Haal dunya ke sataye huye kuch logon ka

Haal dunya ke sataye huye kuch logon ka,

Puch lete ho shararat se, yehi kaafi hai,

Jo bhi raste mein guzarta hai mere pehlu se,

Dekhta hai teri nisbat se, yehi kaafi hai,

Muddat’ton se nahin dekha tera jalwa lekin,

Yaad ajate ho shidat se, yehi kaafi hai,

Saari dunya se ulajhte hain lekin tera kahaa,

Maan jate hain sharafat se, yehi kaafi hai,

Kya hua hum jo muyassar jo zar-o-maal nahin,

Katt rahi hai bari izat se, yehi kaafi hai,

Aaj ke ehd taghaful mein kisi dar pe Munir,

Koi ajaye zarurat se, yehi kaafi hai..!